Байқауды өткізу ережелері мен тәртібі

Үміткерлерді іріктеу әлеуетін анықтай отырып, конкурстық негізде жүргізіледі.

Конкурс 4 кезеңнен тұрады:

Конкурс жүргізгенде «Самұрық-Қазына» АҚ Корпоративтік университеті» ЖМ жеңімпаздарды таңдау кезінде қатысу үшін тең мүмкіндіктер, конкурс өлшемшарттары мен рәсімдерінің ашықтығы және меритократия секілді келесі негізгі қағидаттарды басшылыққа алады.

кезең 01
Қашықтықтан
Қатысуға өтінім – ЖОО-да оқу процесінде де, өз бетінше оқу процесінде де алған білімі мен дағдыларын және оқу мамандығын көрсете отырып, тіркеу нысанын толтыру. Міндеті – тәжірибесі мен жетістіктерін көрсетумен, қабылдау комиссиясын басқа үміткерлердің арасынан дәл сізді таңдап алуына сендіру. ІТ мамандары тобындағы үміткерлерге білім деңгейін анықтау үшін онлайн-тесттен өту қажет. Үміткер белгілі уақыт мерзім ішінде тест сұрақтарына жауап беруі тиіс. Сұрақтардың тақырыбы мен саны таңдаған мамандығына байланысты болады. Бұл бағалау құралы білім алу процесінде де, жеке еңбек немесе ғылыми қызмет процесінде де алған білімдері мен дағдыларының сапасын анықтау үшін арналған.
кезең 02
Қашықтықтан
Case study. Үміткер таңдаған бейініне байланысты ұсынылған есептерді шешуі қажет.
кезең 03
Күндізгі

Қабілеттілікті айқындауға арналған тест, мұнда жұмысқа деген қабілеттілігі бағаланады:

  • сандық ақпарат;
  • вербалды ақпарат.
кезең 04
Күндізгі
Құзыреттер бойынша сұхбат - кандидаттарды іріктеуде оның нақты тәжірибесін бағалайтын түрлі жағдайлардағы нақты тәртібін толық талдауға бағытталған күрделі және ұзақ сұхбат түрлерінің бірі. Ашық түрдегі сұрақтар толық жауапты білдіреді және әдетте «Сол кезді еске түсіріңізші...», «Сіз қалай..., сол туралы айтып беріңізші» және т.б. Басты міндет өз білімдері мен дағдыларын әлеуетті жұмыс берушінің алдында барынша толығырақ етіп ашып көрсету және оған дәл мына Сіздің, олар үшін қажет адам екеніңізді сендіру.
Байқауға қатысу өтініші 2020 жылғы 24 ақпан мен 30 сәуір аралығында, байқаудың www.digital-summer.sk.kz ресми сайтында онлайн тіркелу арқылы қабылданады.
2020 жылғы 30 сәуірінен кеш келген байқауға қатысу өтініштерін байқау комиссиясы қарастырмайды. Байқау өтінішінің тіркелгені үміткер байқау өтінішінде көрсеткен пошта (электронды) мекенжайына жіберілген, өтініштің тіркелгені туралы хабарлама арқылы расталады.
МАҢЫЗДЫ
Іріктеу айналымының бірінен өтпей қалған үміткерлер байқаудан шығарылады. Әр айналымның нәтижесі ресми сайтта жарияланады. «Цифрлы жаз» бағдарламасына қабылданғаны немесе қабылданбағаны туралы соңғы шешімді байқау комиссиясы шығарады, ол туралы үміткерге комиссия отырысынан кейін, ақпаратты ресми сайтта жариялау арқылы хабарланады. Байқау жеңімпаздарымен оқу және дамыту бағдарламасынан өту шарттары туралы келісімшарт жасалады.